Volvo:

Polestar er vörumerki sem er ætlað er að gera hlutina öðruvísi

Polestar 2 er mikilvægt skref í að ná sölu- og arðsemismarkmiðum að sögn Thomas Ingenlath stjórnarfomanns Volvo.

Polestar er fyrsti rafbíll dótturfyrirtækis Volvo sem eingöngu notar rafhlöður – og verður með miðjustokki sem er annars andstæða flestra rafbíla í dag, sem eru flestir með alveg flötu gólfi.

Miðjustokkurinn hefur ekkert að gera með drifrás eins og við þekkjum í bílum í dag. Þess í stað er hann geymslusvæði rafgeyma og hýsir sumar af þeim 324 rétthyrndu sellum sem knýja Polestar 2 áfram.

Hönnunin er bæði hagnýt og fagurfræðilegt. Rafknúin ökutæki eru yfirleitt eins og hjólabretti, með fyrirferðarmikla rafhlöðupakka flata undir gólfinu. En það bætir við hæð ökutækisins, sem eykur loftmótsstöðu og dregur úr akstursvegalengd, sagði Maximilian Missoni, hönnuður Polestar, við Automotive News Europe á prófunarsvæði Volvo í Hallered um 60 km austur af Gautaborg.

Með því að fjarlægja rafhlöður, sem venjulega eru undir fótarými fyrir aftursætin, tókst hönnuðum að lækka hæð Polestar 2 og koma fram með lægri hönnun á fólksbílnum, sagði Missoni fyrr í þessum mánuði, þar sem hann var á hliðarlínunni á prófunarbrautinni. Frágangur á rafhlöðum gerir farþegum einnig kleift að sitja þægilega, en hönnunin á miðjustokknum virkar eins og upphækkuð stjórneining í miðju og gefur bílnum yfirbragð stjórnklefa.

Bíllinn fer í framleiðslu á næsta ári og nær líklega til Bandaríkjanna um mitt ár 2020. Og hönnunin endurspeglar vilja Polestar til að gera hlutina öðruvísi - frá mínimalísku, tækniþróuðu innanrými til óhefðbundinna aðgerða í sölu.

Polestar, sem er í eigu Zhejiang Geely Holding, er viðbrögð Volvo við BMW i og Mercedes-Benz EQ.

Mikilvægt markmið

Polestar 2 er mikilvægur í að ná markmiði forstjórans, Thomas Ingenlath, um að gera vörumerkið arðbært innan fimm til sjö ára og ná árlegri alþjóðlegri sölu á meira en 100.000 bílum. Ætlunin er að smíða um 50.000 Polestar 2-bíla á fyrsta heila árinu.

Polestar 2 er bíllinn sem skilgreinir vörumerkið, sagði Jonathan Goodman, aðalstjórnandi Polestar, við Automotive News í aðalstöðvum bílaframleiðandans í Svíþjóð.

Eins og sjá má er það einfaldleikinn sem ræður ríkjum í innréttingunni í Polestar

Bíllinn, sem mun kosta á milli 39.000 og 59.000 evrur, er hluti af metnaðarfullri sókn í þessum flokki, og verðið á Polestar, verður verulegra lægra en 155.000 evrur fyrir tengitvinnbílinn Polestar 1 Coupe.

Aðrar gerðir koma þarna á milli, þar á meðal Polestar 3, „crossover“-coupe sem byggir á annarri kynslóð „Volvo Scaleable Product Architecture“ grunni Volvo (SPA2). Framleiðsla þess ökutækis hefst í lok 2021.

Stefnumörkun sett á hefðbundinn fólksbíl

„Polestar er rétt vörumerki á réttum tíma“, sagði Goodman. „Slagurinn fyrir okkur næstu 12 til 18 mánuðina er að ná athygli þarna úti, að vera áhrifamiklir við markaðssetningu og viðburði sem við höldum og skapa það áhugasvið sem við þurfum til að ná því markmiði sem við stefnum að – og höfum“.

Það að hleypa af hefðbundnum „sedan“ af stokkunum í „crossover-brjáluðum heimi“ gæti virst öfugsnúið en þá benda stjórnendur Polestar á velgengni Tesla's Model 3 sem sönnun fyrir eftirspurn eftir háþróuðum, vel hönnuðum rafdrifnum sedan.

Val Polestar að fara af stað með hefðbuninn fólksbíl eða „sedan“ var einnig stefnumótandi. Traustir bílaframleiðendur eins og Jaguar, Volkswagen og Mercedes eru nú þegar farnir að leggja áherslu á rafdrifna „crossover“ hluta markaðarins . Sænski nýliðinn vildi frekar koma í veg fyrir að þurfa að berjast núna.

"Ég er mjög ánægður með að vera að setja fram hlaðbak, sem býður upp á val á móti Tesla Model 3, þar sem ekkert annað val verður á næstu 18 mánuðum“, sagði Goodman. „Stundum er það frekar gott að vera ekki eins og allir aðrir“.

Goodman er viss um að Polestar hafi neglt tímasetninguna, þar sem rafbílar ná til ímyndunarafls viðskiptavina og innviðir hleðslu rafbíla stækka. Gert er ráð fyrir að rafbílar verði um 57% af heildarsölu fólksbíla, eða 56 milljón ökutæki, árið 2040, samkvæmt Bloomberg New Energy Finance.

„Við höfum enga arfleifð að hafa áhyggjur af“, sagði Goodman. „Hvernig á ég að kynna rafdrifnu ökutækin mín en að vera á sama tíma að smíða um 80 prósent af framleiðslu okkar með hefðbundnum aflvélum. Við erum á fullu í rafmagninu, þannig að við getum verið mjög sanfærðir um hvað við segjum um bílana og hvernig við trúum á þá. "

Á sama tíma er Polestar sjálft hluti af gömlum þróuðum bílaframleiðanda í Volvo, sem býður Polestar upp á djúpa vasa og auðlindir - auk þess að hafa inngöngu á kínverska markaðinn með Geely. „Við getum verið í Kína, við getum verið í Evrópu, við getum verið í Bandaríkjunum á sama tíma“, sagði Goodman.

Hugsanleg vandamál í Bandaríkjunum

Eitt sem Polestar hefur ekki er lausn á spenna á heimsvísu. Þetta gæti haft í för með sér alþjóðlegar uppákomur, einkum bandaríska útbreiðsluna. Fyrirtækið stefnir að því að byggja ökutæki sínar í Kína sem er í tollastríði við Bandaríkin. Trump-stjórnin hefur hótað að leggja tolla sem nema allt að 25 prósenta toll til viðbótar á 300 milljarða dollara virði vöru sem flutt er inn frá Kína.

Stjórnendur fyrirtækisins sögðu að þeir hefðu verðlagt ökutæki sín miðað við núverandi tolla Bandaríkjanna á bílaframleiðslu í Kína.

En ef gjöldin breytast?, „Við verðum að endurmeta allt“, sagði Gregor Hembrough, forstjóri Polestar í Bandaríkjunum, við Automotive News.

Landfræðilega fjölbreytt framleiðsla myndi bjóða upp á einangrun frá bandarískum viðskiptum í Bandaríkjunum og Kína, en Goodman velti því fyrir sér. „Um leið og þú byrjar að gera það, ert þú kominn í tvöfalda framleiðslu, og kostnaðurinn er mjög hár“, sagði hann.

Það eru þegar komnar um 2.000 pantanir fyrir fram á Polestar 2 á heimsvísu frá því að opnað var fyrir pantanir í lok febrúar. Fyrirtækið neitaði að gefa upp hversu margar af þessum fyrir fram pöntunum eru frá Bandaríkjunum en benti á að áhugi hefði komið snemma frá Kaliforníu, en það ríki er mjög áfram um rafbílavæðingu. Í upphafi er reiknað með að markaðir fyrir Polestar 2 verði Þýskaland, Bretland, Holland, Noregur, Svíþjóð og Belgía.

Bandaríska markaðssóknin, sem hefst í næsta mánuði, mun verða mun beinskeyttari.

Ekki búast við Polestar auglýsingum á Super Bowl, sagði Hembrough. „Þetta mun ekki vera vörumerki fyrir fjöldann“, sagði hann.

Frá og með júlí mun Polestar setja í gang „mjög upplifandi tegund af viðburðum“, svo sem „roadshow“ þar sem almenningur mun hafa tækifæri til að hafa nánari kynni af bílnum. Akstursprófanir verða þó ekki í boði í upphafi.

Polestar 2 er beint gegn Tesla Model 3, en Hembrough er ekki búist við að snúa sér að viðskiptavinum Tesla á næstunni. „Eigendur Model 3 eru bara búnir að eiga sína bíla í 12 til 14 mánuði“, sagði hann. „Ég held ekki að þeir séu að verða til vandræða svo snemma“.

Líklegri markhópur að sögn Hembrough, munu vera eigendur BMW 3, Audi A4 og Mercedes C-classi sem eru forvitnir um drifrás með rafmagni.