Opel undirstrikar eigendaskiptin frá General Motors yfir til PSA Group með nýrri línu í hönnun sem kalla má bæði „hreina og djarfa“ með því að forsýna útlitið á nýjum GT X tilraunabíl sem er jeppi/crossover sem er eingöngu rafknúinn að sögn Automotive News Europe.

Hönnuðir Opel hafa dregið úr hefðbundnum, svokölluðum „skurðarlínum“ í yfirbyggingu hugmyndabílsins í lágmark, til að gefa þessum rafdrifna hugmyndajeppa hreint hátækniútlit. Hann er með nýja hönnun á grilli sem Opel kallar „Vizor“ (skyggni eða hjálmgríma) vegna þess að það líkist augnloki vélhjólahjálms.

Hugmyndabíllinn forsýnir útlitið á Opel bílum sem koma á markað um miðjan áratuginn eftir 2020 með djörfu, og hreinu útlit, segir bílaframleiðandinn í yfirlýsingu.

Haft er eftir Mark Adams yfirmanni hönnunardeildar Opel að hönnuðirnir höfðu velt fyrir sér sérhverri virkni og einingu bílsins til að draga úr óþarfa hönnunareiningum og ná fram hreinleika í hönnun.

Opel valdi að forsýna nýja stíl í jeppa vegna vaxandi eftirspurnar eftir slíkum ökutækjum. Á árinu 2020 gerir fyrirtækið ráð fyrir að 40 prósent af öllum bílum sem það selur séu jeppar.

Það að þessi tilraunajeppi sé eingöngu með rafrifna drifrás undirstrikar áherslu á áætlanir Opel um að rafvæða sína framleiðslulínu.

Opel stefnir að því að bjóða upp á rafmagnsútgáfur af öllum vörulínum sínum árið 2024. Framleiðandinn mun bjóða rafhlöðu-rafmagns- eða tengitvinnbíla ásamt viðbótum með hefðbundnum brunahreyflum.

Næsta kynslóð Corsa mun fá rafmagnaðan drifbúnað með tækni PSA árið 2020, ári eftir að ný Corsa með hefðbundnum vélbúnaði fer í sölu. Það mun fylla bilið sem verður þegar Opel Ampera-E hættir.

Tilraunabíllinn GT X er byggður á léttri hönnun með afli sem kemur frá 50 kílówatta litíum-ion-rafhlöðu með span-hleðslu. Hann verður búinn þriðja stigs aðgerðum fyrir sjálfstæðan akstur. Þetta þýðir að bíllinn getur séð um alla þætti aksturs sjálfur en ökumaðurinn verður að geta svarað beiðni um að grípa inn í ferli. Að sögn Opel.