Forsýning á nýjum Cadillac sem verður frumsýndur í New York í næsta mánuði

2020 Cadillac CT5 – lúxusfólksbíll í millistærð kynntur, og það er nægt turbóafl til staðar, en hin raunverulega frumsýning verður á alþjóðlegu bílasýningunni í New York í næsta mánuði.

Cadillac hefur verið verið á fullu að kynna nýja „cossover“-bíla síðustu 12 mánuði. Á síðasta ári fékk vörumerkið eftir langvarandi bið nýjan jeppa í línuna sína, 2019 XT4 og 2020 XT6.

En núna á mánudaginn var röðin komin að fólksbílunum hjá þessum framleiðanda lúxusbíla með því að uppfæra fólksbílana sína sem full þörf var á að mati margra, sérstaklega í Bandaríkjunum.

Lengi verið í fararbroddi lúxusbíla

Um leið og orðið Cadillac ber fyrir augu þess sem þetta skrifar leitar hugurinn langt aftur, eða þegar ég var tíu ára. Á þeim tíma bjó Björn Ólafsson, fyrrum ráðherra og þá eigandi Coca Cola á Íslandi í næsta húsi við hús afa míns og ömmu í Reykjavík. Björn þessi var greinilega áhugamaður um bíla og á þessum árum upp úr 1950 stóð all nýstárlegur kolsvartur bíll, af gerðinni Tatra í innkeyrslunni við Hringbrautina í Reykjavík, svartur að lit og með hálfgerðan „hákarlsugga“ að aftan fyrir ofan stór loftinntök fyrir vélina sem var að aftan í bílnum.

Tatra 1948 – með loftkælda vél og „stélugga“ en bíll svipaður þessum var til í Reykjavík á árunum í kring um 1950. Cadillac 1954 – fullkominn lúxus á hjólum í huga tíu ára gutta árið 1954.

En 1954 var Tatra-bílnum skipt út fyrir nýjan gljáandi stóran Cadillac. Í huga stráksins í næsta húsi var þessi bíll toppurinn á tilverunni, enda fékk hann stundum að sitja í þessum fína bíl og meðal annars er ofarlega í minningunni þegar heimasæturnar í húsinu fengu strákinn lánaðan sem afsökun til að skreppa í Tívolí sem var handan Vatnsmýrarinnar og þá var okkur skutlað í þessum flotta bíl þangað.

Annar Cadillac kom raunar einnig við sögu á þessum árum hjá mér því þegar farið var í sumarbústaðinn á Þingvöllum var þar iðulega enn stærri Cadillac á bílastæðinu við vatnið, R10 sem Vilhjálmur Þór átti á árunum í kring um 1960. En nóg um gamlar minningar og til dagsins í dag.

Cadillac CT5 Luxury

2020 árgerðin af Cadillac CT5, fólksbíl í millistærðarflokki var forsýnd á mánudaginn, en formleg frumsýning hans er í næsta mánuði á alþjóðlegu bílasýningunni 2019 í New York. Nýi fólksbíllinn sækir mikið til Escala-hugmyndabílsins sem var sýndur árið 2016 í Pebble Beach, þar á meðal öflugan framenda, formaða vélarhlíf og lóðrétt framljós.

Nýjar línur einkenna Cadillac 2020-árgerðina. Stórt grillið og lítil framljós eru mest áberandi.

CT5 mun koma í stað CTS, sem einnig var í millistærðarflokki, og mun keppa við aðra bíla í svipaðri stærð frá Þýskalandi og Asíu, þó að CT5 gæti verið nokkuð minni en útflutningsþotan.

Frá hlið er grunngerðin frekar látlaus.

Túrbó og meira túrbó

Af hálfu Cadillac liggja ekki fyrir miklar upplýsingar um nýja bílinn, þar á meðal hversu mikið hann myndi kosta eða hvenær hann myndi fara í sölu en þó kom fram að CT5 væri búinn 2,0 lítra Turbo-4 eða 3,0 lítra Turbo-6, annað hvort parað eingöngu við 10-hraða sjálfskiptingu, með afturdrifi eða aldrifi. CT5 verður seldur í Luxury og Sport gerðum búnaðar, með örlítið mismunandi útlit og hugsanlega mismunandi vélum.

Þessar vélar í hinum nýja CT5 koma frá CT6-fólksbílnum sem er í „fullrii stærð“ fólksbíla í Bandaríkjunum, en þessi bíll er þegar á útleið. CT6 var með 265 hestafla 2,0 lítra Túrbó-4 eða 3,0 lítra Tuúrbó V-6 sem er 404 hestöfl með 10 hraða sjálfskiptingu og afturhjóla- eða fjórhjólhjóladrifi. CT6 bauð í stuttan tíma upp á útgáfu með tengitvinnbílstæknii, en það er óljóst hvort CT5 muni bjóða upp á rafdrifinn valkost í náinni framtíð.

Lítil framljós og upprétt dagljós einkenna framhornin.
Í „luxury“-gerðinni er komið flottara yfirbragð, hér séð að framan.
Séð frá hlið þá er „luxury“-gerðin komin með yfirbragð lúxusbíls.
Mjúku línurnar eru farnar á afturenda 2020 árgerð Cadillac Luxury. Afturljósin er íka nokkuð sérstæð.

Á hinum litrófs skilvirkni og sparneytni, gæti CT5 getur boðið upp á litla 4,2 lítra V-8 með tvöfaldri f0rþjöppu (túrbó) sem var í CT6-V-sportútgáfu sem seldist næstum eins fljótt upp og hún var kynnt á sínum tíma.

Reiknað er með að Cadillac muni bæta við nýjustu tækni í CT5, þar á meðal SuperCruise aðstöoðarkerfi fyrir ökumanninn, nýjustu gerð af upplýsingatæknikerfi með „smellustýringu“ og nýjsutu tækni í tengingu fyrir snjallsíma þegar bíllinn fer í sölu fljótlega.

Og enn nýr bíll á leiðinni

Fljótlega má búast við nýjum bíl frá Cadillac í kjölfar CT5 þar sem reiknað er með að minni gerð fólksbíls muni koma í stað ATS, sem er einnig á leiðinni út á þessu ári.