|
|
|
|
|
|
 |
|
|
|
|
|
Algeng skammstöfun sem stendur fyrir 'Double OverHead Camshaft' sem merkir tvöfaldur, yfirliggjandi knastás. |
|
|
|
|
 |
|
|
|
|
|
 |
|
| :: greinar |
|
| Wednesday, 14. september 2005 - 15:20 |
|
 |
| Bíllinn er afhentur með valkvæðri sjálfstilltri loftfjöðrun. |
Audi kemur nú áf krafti inn á markað fyrir vandaðra jeppabíla. Audi Q7 er þannig ætlað að sameina sportleg einkenni og fjölhæfni, háþróaðan tæknibúnað og önnur þau gæði sem einkenna bíla í lúxusflokki. Á vegum úti er honum ætlað að sýna allar bestu hliðar sportbíls, bæði hvað varðar afköst og aksturseiginleika. Í utanvegaakstri setur hann ný viðmið í sínum flokki. Allt útlit bílsins ber vott um að um er að ræða gæðasmíð og tæknilega yfirburði og enginn verður svikinn af honum, sama hvar ekið er og við hvaða aðstæður. Audi Q7 er nýr afbragðsjeppi frá sömu verksmiðjunni og smíðaði quattro.
Dæmigerð Audi-einkenni
Audi Q7 er með sterka hönnun. Dæmigerð öflug Audi-einkennin endurspeglast í fallega sveigðu þaki og áberandi yfirbyggingu efri hluta bílsins við gluggasvæðið.
Framendinn er með glæstum línum og að aftan eru einkennandi D-stoðir sem færa jeppanum yfirbragð sportbíls. Hliðarlínurnar eru einnig dæmigerðar fyrir hið nýja Audi-útlit og valkostir í litum á þessum tveim aðgreindu hlutum yfirbyggingarinnar færa Audi Q7 mjög áberandi útlit. Um er að ræða ellefu grunnliti, þar af þrjá sem eingöngu er blandaðir með Q7 í huga.
Bíllinn er 5086 millimetrar að lengd og haf á milli hjóla er nákvæmlega 3002 mm, breiddin er 1983 mm og hæð 1737 mm og með þessi mál tekur Q7 forystu í sínum flokki jeppabifreiða. Farþegar njóta einstaklega mikils innra rýmis og boðið er upp á fleiri uppsetningarmöguleika en hingað til hefur þekkst. Alls er hægt að raða sætum og hleðslurými upp á 28 mismunandi vegu í Audi Q7.
Sjö farþegar geta setið í bílnum í þremur sætaröðum. Hægt er að færa sætin í miðröðinni ram eða aftur hvort fyrir sig en auk þess býður enginn bíll í þessum stærðarflokk betra fótarými en Q7. Hægt er að leggja báðar aftari sætaraðirnar flatar niður og þannig fá 2035 lítra farangursrými, ef nauðsyn krefur, án þess að fjarlægja sætin.
Séu fimm sæti í notkun er farangursrýmið 775 lítrar eða það besta sem um getur í þessum stærðarflokki.
Tvær vélastærðir
Þegar Audi Q7 kemur á markað verður hægt að velja um tvær vélastærðir í hann. Nýja 4,2 lítra V8 vélin með beinni FSI-innspýtingu skilar 350 hestöflum og togar að hámarki 440 Newton-metra.
3.0 TDI sex strokka dísilvélin býður það nýjasta í einbunuinnspýtingu sem nýtir sér línutengda piezo-innspýtingu og skilar þar af leiðandi alls 233 hestöflum og togi sem nemur 500 Newton-metrum en er þó bæði einstaklega þýð í gangi og hagkvæm í rekstri.
Báðar vélarstærðir eru búnar sex gíra tiptronic-sjálfskiptingu.
Audi Q7 er með öllum sama staðalbúnaði og quattro með sídrifi og aldrifi. Miðlæga Torsen-mismunadrifið miðlar afli út til allra fjögurra hjólanna, bæði á og utan vegar, og tryggir bæði hámarks veggrip og hliðarstöðugleika en þetta tvennt er forsenda bestu hugsanlegu aksturseiginleika og öryggis. Þessi tegund drifs hefur staðfest kosti sína undanfarinn aldarfjórðung. Drifið er að finna í rúmlega tveimur milljónum fjöldaframleiddra Audi-bíla og hefur skilað fleiri sigrum á kappakstursbrautum og í rallkeppnum en tölu verður á komið.
Audi Q7 er líkt og Audi RS 4 búinn nýjustu kynslóð af Torsen-mismunadrifi sem togar með staðalskiptingunni 40 : 60 (framan/aftan). Átakið á öxlana er því sem næst algjörlega í jafnvægi og bílstjórinn nýtur þess í auðveldri og nákvæmri stýringu þar sem nær ekkert stýristog á sér stað.
Í undirvagni Audi Q7 er að finna marga álhluti af afburðamiklum gæðum, sjálfstæð hjólaupphengi með tvöföldum bitum bæði að framan og aftan. Stálfjaðrir og tvöfaldir demparar eru hannaðir með sportlega aksturseiginleika og þægindi fyrir augum, jafnvel þótt ekið sé utan vega.
Afturfjaðrir og demparar halla aðeins en þannig er dregið úr hæð kerfisins og meira rými verður til aftan í bílnum.
18 tommu álfelgur með 235/60 dekkjum (255/55 á átta strokka bílnum) eru staðalbúnaður. Hægt er að fá allar útgáfur Audi Q7 með 19 eða 230 tommu felgum.
Bíllinn er einnig afhentur með valkvæðri sjálfstilltri loftfjöðrun. Bíll sem búinn er bæði loftfjöðrun og rafeindastýrðu höggdeyfingarkerfi býður bestu hugsanlegu blöndu sportlegra aksturseiginleika og þæginda í akstri. Stöðugleikakerfið er einnig staðalbúnaður en það dregur úr lengdarhreyfingum yfirbyggingarinnar eins og mögulegt er.
Hæð frá jörðu er breytileg og getur verið allt frá 180 til 240 millimetra í efstu stillingu, þannig að bíllinn kemst yfir mjög háar ójöfnur. Sé utanvegastilling á er bíllinn 205 millimetra hár og með aðlögunarhöggdeyfingu til að auðvelda akstur yfir miklar ójöfnur. Skottsyllan er með sérlega þægilegum útbúnaði en hægt er að lækka hana til að setja þunga hluti áreynslulaust inn í farangursrýmið.
Nýtt stýrikerfi sem staðalbúnaður
En það er fleira en rennilegt útlit Audi Q7 sem einkennist af nýjustu tækni. Q7 hefur sem MMI-stýrikerfið nýstárlega sem staðalbúnað en það hefur vakið mikla athygli í A8 og A6. Hægt er að stækka það í tveimur þrepum og þannig bæta við fjölmörgum öðrum aðgerðum.
Hægt er að fá fjölbreyttan valkvæðan tæknibúnað fyrir ökumann sem nú er kynntur í fyrsta skipti í fjöldaframleiddum bíl. Sem dæmi má nefna radarbúnað á hlið bílsins sem nýtist þegar skipt er um akrein og háþróað bílastæðakerfi með sjón- eða hljóðmerkjum og myndavél aftan á bílnum.
Í ESP jafnvægiskerfinu er að finna nýjar aðgerðir á borð við stuðning við akstur niður brekku. Sérstök utanvegastilling hámarkar hemlunargetu og veggrip á lausu yfirborði. Stöðugleikakerfi fyrir dráttarvagn dregur úr hættu á láréttum sveiflum eða "sporðaköstum" vagnsins með markvissum hemlunarstuðningi. |
|
|
 |
|
|
|
