Tvö dauðsföll í viðbót tengd við Takata öryggispúðana

Screen shot 2016-05-09 at 15.25.08Takata öryggispúðaframleiðandinn er í vandræðum þessa dagana og tilkynnti í dag um tap annan ársfjórðunginn í röð. Tilkynnt var einnig um tvö dauðsföll í viðbót vegna öryggispúðanna en þau voru í Malasíu og í báðum tilvikum var um Hinda bíla að ræða. Svo virðist sem að hættan sé mest þar sem raki er mikill ásamt hita en gashylkin rifna og springa svo að þeir virka eins og handsprengja í andlitið. Samkvæmt Umferðaröryggismálastofnun Bandaríkjanna NHTSA er niðurstöðu rannsóknar á hvað nákvæmlega gerist við öryggispúðana að vænta á næstunni. H. R. Blomquist er iðnaðarefnafræðingur og sérfræðingur í drifenfum eins og notuð eru í sprengihylkin fyrir púðana. Hann segir að gallinn sé tvíþættur, annars vegar er drifefnið of rakadrægt og dregur í sig rakamettað loft sem veldur því að sprengingin verður öflugri en ella. Eins er hylkið sjálft gallað þar sem að það springur en það ætti að þola meiri þrýsting.

 

Porche.is

You may also like...

Leave a Reply